Հունվարի 20-ին՝ Փոքր դահլիճում, տեղի ունեցավ հանդիպում-քննարկում մարդաբան-հնագետ Հասմիկ Սիմոնյանի հետ։
Հանդիպմանը շատ հետաքրքիր բաներ պատմեցին մարդու կմախքի մասին։ Սովորեցրին կողմնորոշել, էե ինչ տարիքում է մահացել մարդը, նրա սերը և ինչ հիվանդություններ է ունեցել։ Ամենազարմանալին այն էր, որ այս ամենը ցուցադրվում էր իրական ոսկորների վրա։
Ահա թե ինչ եմ իմացել՝
Հասուն մարդու կմախքն ավելի ոսկրացած է։ Իսկ երեխաների և երիտասարդների մոտ կմախքը բաղկացած է աճառից։ Դրա չափը կախված է երեխայի տարիքից։ Մեծահասակների ոսկրային համակարգի մեծ մասը ձևավորվել է աճառից: Մարդու աճի գործընթացում աճառը աստիճանաբար փոխարինվում է ոսկորներով։
Կանանց կոնքն ավելի լայն է և ցածր, քան տղամարդկանցը, նրա բոլոր չափերն ավելի մեծ են, իսկ կանանց կոնքի ոսկորները՝ ավելի բարակ։ Նրանք ունեն նաև ավելի նեղ կուրծք։ Տղամարդկանց մոտ վերջույթների և մատների ոսկորները միջինում ավելի երկար և հաստ են, իսկ ոսկորների պալարները (մկանային կցվածության հետքերը) սովորաբար ավելի ցայտուն են:
Այս հանդիպումն ինձ օգնեց շատ նոր բաներ սովորել, և ամենակարևորը՝ ամեն ինչ տեսնել իրական օրինակներով։ Ինձ համար դա անմոռանալի փորձ էր, քանի որ նախատեսում եմ մարդաբան դառնալ։