Ջրածին

Պարզ նյութի ձևով ջրածինը հանդիպում է Երկրի վրա շատ քիչ քանակով ՝ միայն հրաբխային և որոշ այլ բնական գազերում: Երկրագնդի կեղևում ջրածինը գտնվում է բացառապես միացությունների ձևով: Ջրածին պարունակում է բոլոր բույսերը, մրգերը, բանջարեղենը, թթուները: Կենդանի օրգանիզմները նույնպես պարունակում են ջրածին: Այն մտնում է կենսականորեն շատ կարևոր նյութերի՝ սպիտակուցների, ճարպերի, ածխաջրերի մոլեկուլների բաղադրության մեջ:

Ջրածնի ատոմն ունի ամենապարզ կառուցվածքը` մեկ դրական լիցքով միջուկի  շուրջը սփռված է մեկ էլեկտրոն:

Ջրածինն ունի մեծ կիրառություն։ Արտադրվող ջրածնի 50%-ից ավելին ծախսվում է նավթի վերամշակման համար։ Արտադրվող ջրածնի 25%-ը օգտագործվում է ամոնիակի սինթեզում, որը քիմիական արդյունաբերության կարևորագույն նյութերից մեկն է։ Մեծ քանակներով ջրածին է ծախսվում քլորաջրածին սինթեզելու և աղաթթու ստանալու համար։ Ջրածնի և թթվածնի խառնուրդի այրումն օգտագործվում է հրթիռային շարժիչներում, տիեզերք թռչող սարքերում։ Օրինակ ՝ ամենահզոր հրթիռը «Էներգիան»-ն ծախսում է 2000 տ վառելանյութ, որի մեծ մասը հեղուկ ջրածին և թթվածին է։ Ջրածինը կիրառվում է նաև մետաղների եռակցման սարքերում։ Ջրածնաթթվածային բոցի ջերմաստիճանը հասնում է մինչև 3000 աստիճան, իսհ հատուկ այրիչներում բոցի ջերմաստիճանը կարող է բարձրանալ մինչև 4000 աստիճան։

Ջրածնի ֆիզիկական և քիմիական հատկությունները։

Քիմական՝
Ջրածինը ոչ մետաղ է և ունի մոլեկուլային կառուցվածք։ Ջրածնի մոլեկուլը բաղկացած է երկու ատոմներից, որոնք կապված են կովալենտային ոչ բևեռային կապով: Ջրածնի մոլեկուլում կապող էներգիան 436 կՋ/մոլ է, ինչը բացատրում է մոլեկուլային ջրածնի ցածր ռեակտիվությունը։

Ֆիզիկական՝
Ջրածինը անգույն, անհոտ, անհամ, ոչ թունավոր գազ է։ Ջրածնի մոլեկուլը բևեռային չէ։ Ուստի գազային ջրածնի միջմոլեկուլային փոխազդեցության ուժերը փոքր են։ Ջրածինը օդից թեթև է

Ինչպե՞ս ստանալ ջրածին լաբորատորիայում:

Ցինկի և ջրածնի քլորիդի ջրային լուծույթի (հիդրոքլորային թթու) միջև ռեակցիան առավել հաճախ օգտագործվում է լաբորատոր պայմաններում ջրածնի արտադրության համար: Իսկ տաքացման ժամանակ երկաթի և ջրի գոլորշու արձագանքը պատմական նշանակություն ունի՝ ժամանակին այն օգտագործվել է ջրածնով փուչիկները լցնելու համար։